Kosonlik ayollar har sohada faol
Koson tumani xotin-qizlari bugungi kunda tadbirkorlikning turli yo‘nalishlarida faoliyat ko‘rsatib, daromad topmoqdalar.Tumanning “Nartibaland” mahallasida yashovchi Dilafro‘z Abdullayeva ham 26 yildan buyon gulchilik bilan shug‘ullanadi va buning ortidan 10 ga yaqin xotin-qizlarni mavsumiy ish bilan band qilmoqda.
Hozirda qahramonimizning o‘z hovlisidagi 4 sotixli issiqxonada 150 xildan ko‘proq gul ko‘chatlari parvarishlanadi va bu gullar tuman, viloyat markazidagi bozorlarda sotiladi.